[prenta uppsett í dálka] 47. fundur, 127. lþ.
Jóhanna Sigurðardóttir:
Herra forseti. Við höfnum því að verið sé að skattleggja fátækasta fólkið í þjóðfélaginu, þ.e. þá sem fá fjárhagsaðstoð frá sveitarfélögum á sama tíma og verið er að lækka skatta á stóreignafólki. Þessi tillaga okkar gengur út á það að styrkur sem greiddur er í formi fjárhagsaðstoðar frá sveitarfélögunum verði undanþeginn skatti.
