Vilhjálmur Egilsson:
Virðulegi forseti. Ég var hálfpartinn að vona að Samfylkingin mundi draga þessa tillögu til baka því að hún er svo arfavitlaus. Hún mundi þýða að það væru mismunandi eignarskattar á eigið fé fyrirtækja eftir því hvað nafnvirði hlutafjár er stór hluti af eigin fé. Það getur ekki verið nein glóra í slíkri tillögu og þess vegna vona ég að þingheimur felli þetta umsvifalaust.