[prenta uppsett í dálka] 47. fundur, 127. lþ.
Guðmundur Árni Stefánsson:
Herra forseti. Hefði verið farið að skattastefnu Samfylkingarinnar fyrir síðustu kosningar, þá væri öðruvísi umhorfs í þjóðfélaginu í dag en raun ber vitni. Skattapakki Samfylkingarinnar er alveg skýr í þessari atkvæðagreiðslu. Við viljum létta álögum á atvinnulífi og einstaklingum en samt halda þjónustu á velferðarkerfið.
Þessi ríkisstjórn er í öðru orðinu að létta álögum af atvinnulífinu með lækkun tekjuskatta. Hún tekur það til baka einhendis í formi hækkaðrar álagningar á mannaflafrek fyrirtæki með hækkun tryggingagjalds sem hér er verið að greiða atkvæði um. Það styð ég ekki.
