Ásta R. Jóhannesdóttir:
Herra forseti. Hér er lögð til fjárveiting til málefna fatlaðra svo hægt sé að standa við loforð sem fötluðum, foreldrum þeirra og aðstandendum hafa verið gefin. Á þriðja hundrað fatlaðra bíða eftir búsetu. Enn fleiri bíða eftir þjónustu. Loforð um skammtímavistun hafa verið svikin af þessari ríkisstjórn sem brýtur mannréttindi á fötluðum.
Með samþykkt þessarar tillögu er hægt að fara eftir lögum um málefni fatlaðra. Samfylkingin vill standa vörð um velferðarkerfið. Ég segi já.