[prenta uppsett í dálka] 48. fundur, 127. lþ.
Pétur H. Blöndal:
Herra forseti. Hv. frsm. efh.- og viðskn. hélt því hér fram að ég ruglaði saman stærðfræði og hagfræði. Ég hlýt að bera af mér þær sakir að ég sé eitthvað að rugla í ræðustól Alþingis. Ég veit nákvæmlega muninn á stærðfræði og stærðfræðiformúlum og hagfræði. Ég lýsti því að ég væri ekki að vísa í stærðfræðiformúlur, ég væri að vísa í reikningsaðferðir við mat á fyrirtækjum og aðferðir sérfræðinga í því sambandi. Þannig að ég vísa því til föðurhúsanna að ég sé að rugla saman stærðfræði og hagfræði.
