[prenta uppsett í dálka] 49. fundur, 127. lþ.
Frsm. efh.- og viðskn. (Vilhjálmur Egilsson):
Virðulegi forseti. Ég mæli hér fyrir nál. frá efh.- og viðskn. og brtt. um frv. til laga um lögbann og dómsmál til að vernda heildarhagsmuni neytenda.
Nefndin hefur fjallað um þetta mál sem kemur til vegna innleiðingar tilskipunar frá Evrópuþinginu og -ráðinu nr. 98/27/EB frá 1998 til að setja lögbann til verndar hagsmunum neytenda.
Nefndin gerir tillögu til breytinga á frv. sem er í þremur liðum og raktar eru á þskj. 494. Þessar brtt. eru í flestum atriðum tæknilegar en þó er sú efnisbreyting að í 3. lið brtt., í b-lið, er tekið fram að ráðherra geti útnefnt stjórnvöld, tiltekin stjórnvöld, auk félagasamtaka til að gæta heildarhagsmuna neytenda.
Með þeim brtt. sem fram koma á þskj. 494 leggur efh.- og viðskn. til að frv. verði samþykkt.
