Jóhanna Sigurðardóttir:
Herra forseti. Hér er enn eina ferðina verið að leggja auknar álögur á skattpínda bifreiðaeigendur. Útgjöld vegna fjölskyldubílsins og rekstrar hans eru hvergi hærri í þeim löndum sem við berum okkur saman við en hér á landi. Þau eru orðin mjög þung í framfærslunni gjöldin vegna rekstrar heimilisbílsins. Þetta kemur ofan á 70--80% hækkun á lögboðnum bifreiðatryggingum á sl. 2--3 árum. Þetta kemur ofan á miklar hækkanir á bensíni á undanförnum missirum sem bifreiðaeigendur hafa þurft að sæta. Við segjum því nei við þessum auknu álögum á bifreiðaeigendur.