Guðmundur Árni Stefánsson:
Herra forseti. Ég er sammála þeim markmiðum sem að baki liggja. Það liggur ljóst fyrir að taka þarf á vanda fjölmargra sveitarfélaga vítt og breitt um landið sem í mörgum tilfellum stafa af því að þau hafa lagt í mikla fjárfestingu vegna félagslegra íbúða. Ég hef hins vegar miklar efasemdir um þessa nálgun og þá aðferðafræði sem hér er lögð til. Í seinni tíð hef ég í auknum mæli haft efasemdir um að veita ráðherrum opnar heimildir sem þingið hefur lítið eða ekkert um að segja. Í þessu tilfelli er verið að feta þá slóð og ég get ekki greitt þessu atkvæði þó að efni málsins sé mér hugleikið.