Einar K. Guðfinnsson:
Virðulegi forseti. Ég tel eðlilegt að við styðjum þessa tillögu, einfaldlega vegna þess að með henni er gert ráð fyrir því að bátum sem hafa verið að róa í svokölluðu þakkerfi gefist hálfum mánuði lengri tími til að taka ákvörðun um það hvernig þeir hyggjast haga veiðum sínum eftir því í hvaða kerfi þeir vilja róa. Það er eðlilegt að þeir hafi til þess gott svigrúm og þess vegna styð ég þessa tillögu.