Iðnaðarráðherra (Valgerður Sverrisdóttir):
Hæstv. forseti. Með samþykkt þessara þriggja frv. er stigið stórt skref á sviði vísinda í landinu. Hér er á ferðinni mjög athyglisvert mál að mínu mati og vísindin eru tengd atvinnulífinu meira en áður hefur verið. Stefna stjórnvalda í vísinda- og tæknimálum mun nú endurspeglast betur en áður í heildarstefnumótun, sem er jákvætt að mínu mati á allan hátt. Ég lýsi því sérstakri ánægju með samþykkt þessara þriggja frv.