Guðjón A. Kristjánsson (andsvar):
Herra forseti. Ég þakka svörin. Það sem ég vildi reyna að hnykkja aðeins á í seinna andsvari mínu er að spyrja hæstv. ráðherra hvað hún telji í raun og veru að sé viðunandi mismunur í orkuverði á landinu. Hvað er það sem við getum sætt okkur við að sé sameiginlegur skilningur á því að sé viðunandi mismunur í orkuverði? Er það það sem nú er, er það sá munur sem er mestur nú á landinu í orkuverði milli svæða eða einhver önnur prósentutala?