[prenta uppsett í dálka] 71. fundur, 128. lþ.
Samgönguráðherra (Sturla Böðvarsson) (andsvar):
Herra forseti. Sem svar við spurningu hv. þm. þá er það skoðun mín að það komi að sjálfsögðu vel til greina að flytja þessa starfsemi út á land.
Hins vegar háttar þannig til að það sem við erum að fjalla um núna á þessu stigi er sú starfsemi sem fer fram í stöð Landssímans í Gufunesi þar sem starfandi er stór hópur manna sem sinnir þessari strandstöðvaþjónustu og um það snýst málið um sinn. Í framtíðinni er gert ráð fyrir þeim möguleika að sú þjónusta sem snýr að strandstöðvaþjónustunni verði boðin út. En eins og er þá mun starfsemin í Gufunesi sinna þeim verkefnum sem vaktstöð siglinga er ætlað að sinna, en til viðbótar bætast síðan verkefni sem að sjálfsögðu væri hægt að sinna hvar sem er á landinu.
