Ögmundur Jónasson (andsvar):
Herra forseti. Það er mér mikið ánægjuefni ef ég hef getað glatt hjarta hæstv. ráðherra með því að nefna Framsfl. oft á nafn. Sannast sagna hefði ég kosið að geta tengt flokkinn bjartara málefni en mengandi stóriðju og stórfelldustu náttúruspjöllum Íslandssögunnar.
Lokaorðin í mynd Ómars Ragnarssonar sem sýnd var í sjónvarpinu hér um daginn og hafði áhrif á marga vísuðu til tveggja hugtaka. Hann nefndi sóma og skömm. Því miður þá óttast ég að Framsfl. tengist hinu síðara hugtaki í þessu máli, en ekki hinu fyrra.