[prenta uppsett í dálka] 89. fundur, 128. lþ.
Heilbrigðisráðherra (Jón Kristjánsson):
Herra forseti. Ég hef í rauninni ekki miklu við svar mitt að bæta síðan áðan. Ég vil samt undirstrika í þessu sambandi að viðbrögð okkar mega ekki vera það hörð við þessu að það komi niður á fólki sem þarf að nota þessi lyf sjúkdóma sinna vegna. Það er hinn vandrataði meðalvegur í þessu máli, að koma í veg fyrir misnotkun en að þeir sem þurfa á lyfjunum að halda fái þau og veigri sér ekki við að taka þau.
Ég vil gjarnan hafa sem besta samvinnu við Læknafélag Íslands og lækna í þessu efni, tel það reyndar nauðsynlegt enda eru þeir lykilmenn í þessu sambandi. Ég veit að það er vilji innan stéttarinnar fyrir slíkri samvinnu og að við nýtum reynslu þeirra í þessu efni.
