[prenta uppsett í dálka] 94. fundur, 128. lþ.
Þuríður Backman (andsvar):
Herra forseti. Með samkomulaginu afsala sveitarfélögin sér lögbundnum rétti til tilnefningar í stjórnir umræddra stofnana um leið og þátttaka þeirra í stofnkostnaði og viðhaldi fellur niður.
Þar með er ekki sagt að meiningin hafi verið að leggja þær niður. (Gripið fram í.) Það var ástæðulaust og ég vil bara benda á að Samband íslenskra sveitarfélaga telur að ekki hafi verið nein ástæða til að leggja stjórnirnar niður, alla vega leggst það ekki gegn því að óbreyttu ástandi hvað það varðar.
