Árni Steinar Jóhannsson (andsvar):
Virðulegi forseti. Ég held að ég hafi ekki misskilið hv. þingmann. Ég benti einungis á að þær tölur sem nefndar eru hér í framsögu benda til þess hvar meginvandinn liggur. Þegar menn slá fram frösum eða klisjum eins og ,,Evrópuverð á vöru`` verð ég að benda á að það er náttúrlega furðulegt að við skulum ekki njóta Evrópuverðs, sem menn eru að kalla eftir, á þeim vöruflokkum sem eru á heimsmarkaðsverði og fluttir inn til landsins. Sennilega eru fáar þjóðir í Evrópu sem t.d. flytja hlutfallslega eins mikið inn af landbúnaðarvörum og Íslendingar og ættu þá að geta gert það á heimsmarkaðsverði. Af hverju eru þessar vörur ekki verðlagðar niður úr öllu valdi og komnar niður í kannski Miðjarðarhafsverð sunnan til, og verðið þá lægra en þetta rómaða Evrópuverð sem samfylkingarmenn tala mikið um?