Jón Bjarnason (andsvar):
Virðulegi forseti. Er það táknrænt fyrir stefnu og áherslur Sjálfstfl. að einmitt daggjaldastofnanirnar og hjúkrunarheimilin skuli líða fyrir fjárskort? Það eru einmitt hinir sömu hópar, elli- og örorkulífeyrisþegar, sem bera aukna skattheimtu í þjóðfélaginu. Eru þetta áherslur Sjálfstfl.?
Hv. þm. og talsmaður Sjálfstfl. í fjármálum var að fría sig ábyrgð á því sem lagt er til í fjárlögum til Byggðastofnunar og sagði að það hefði aldrei verið borið undir sig. Eru kannski fleiri þættir í þessu fjárlagafrv. sem hv. þm. og talsmaður Sjálfstfl. í fjármálum vill fría sig frá? Það væri fróðlegt að heyra það.