[prenta uppsett í dálka] 4. fundur, 128. lþ.
Lára Margrét Ragnarsdóttir (andsvar):
Hæstv. forseti. Ég þakka heilbrrh. svör hans. Við erum oft sammála og iðulega sammála um það sem nauðsynlegt er að gera í heilbrigðisþjónustunni.
En ég vil benda á þá lagagrein um að veita bestu þjónustu sem völ er á hverju sinni, vegna þess að við Íslendingar höfum afskaplega lítinn samanburð á því hver er besta þjónusta sem völ er á hverju sinni þegar aðeins er um eina stofnun að ræða og getum því ekki borið okkur saman við aðra.
