[prenta uppsett í dálka] 4. fundur, 128. lþ.
Guðjón A. Kristjánsson (andsvar):
Herra forseti. Það er auðvitað alveg rétt að millifæranlegur persónuafsláttur kemur fjölskyldufólki til góða og getur haft áhrif á skattgreiðslur einstaklinga. Það breytir hins vegar ekki því að stiglækkandi persónuafsláttur eykur fjölda þeirra sem greiða tekjuskatt. Það hefði náttúrlega verið hægt að halda tekjum á móti ef persónuafslátturinn hefði verið hækkaður með því að viðhalda hátekjuskattinum. Það hefði áfram mátt halda honum í 7% frekar en að lækka tekjuskattinn á hæstu tekjur. Það er nú eitt atriði sem mætti velta fyrir sér.
Svo er annað atriði sem ég tel nauðsynlegt að velta upp: Hvernig telur fjmrh. að þetta muni þróast ef sífellt fleiri fara yfir í það að stofna fyrirtæki og komast í lægsta tekjuskatt? Mun það jafnvel viðhalda hærri tekjuskatti á einstaklinga?
