[prenta uppsett í dálka] 4. fundur, 128. lþ.
Fjármálaráðherra (Geir H. Haarde) (andsvar):
Herra forseti. Ég felli engan dóm í þessu máli, hvorki yfir skýrslu Ríkisendurskoðunar né félmrn. Ég tel að þessir aðilar hljóti að geta leyst þann ágreining sem uppi er með sómasamlegum hætti án þess að stefni í átök eða mikla óvissu fyrir reksturinn á Sólheimum sem vissulega er mjög merkilegur og hefur skilað góðum árangri um áratuga skeið. Ég felli ekki dóma um þessa skýrslu eða afstöðu ráðuneytisins. Ég skora á þessa aðila að leysa málið en tek ekki þátt í því að þvinga Sólheima með þeim hætti sem lagt var til, þ.e. til samnings á þeim forsendum sem þar var talað um.
Að öðru leyti blanda ég mér ekki í þetta mál vegna þess að það er málefni fagráðuneytisins.
