[prenta uppsett í dálka] 7. fundur, 128. lþ.
Pétur H. Blöndal (andsvar):
Herra forseti. Hv. þm. Jóni Bjarnasyni varð tíðrætt um landsbyggðina o.s.frv. og nefndi dæmi um að Sparisjóður Dalasýslu hefði lagt fram stofnkostnað eins stúdentaherbergis við Háskóla Íslands, á Nýja Garði. Hvar skyldi nú sá Nýi Garður vera nema í Reykjavík? Hvar skyldi Sparisjóðabankinn vera sem sparisjóðirnir hafa lagt mikið fé í? Í Reykjavík. Hvar skyldi Tryggingasjóður innlána sparisjóðanna vera geymdur? Í Reykjavík. Hvar skyldi Reiknistofa sparisjóðanna vera stödd? Í Reykjavík.
