[prenta uppsett í dálka] 22. fundur, 128. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Það er alltaf þannig að því fyrr, þeim mun betra. Það er alveg sama um hvað við erum að tala, og ekki er það síst í sambandi við Vestfirði og íbúaþróun þar. Aðgerða er þörf. En ég get ekki farið nánar út í þetta. Ég vildi bara að hv. þingmaður og aðrir vissu það að ég hef fullan skilning á því að þarna eru erfiðar aðstæður og það er margt sem getur komið til greina. Eitt af því er menningarhús sem ég veit að er mikill áhugi fyrir á Vestfjörðum, og fleira mætti nefna. Ég held að við getum alveg verið sammála um það, ég og hv. þingmaður, að aðgerða er þörf.
