Jóhann Ársælsson (um fundarstjórn):
Hæstv. forseti. Ég var ekki að setja út á það að ég fékk ekki orðið í fyrri umræðunni um störf þingsins. Ég vissi alveg hvers vegna ég fékk það ekki. Ég vildi hins vegar koma þessu á framfæri og ég tek það ekki aftur að mér finnst að þessi skýrsla hefði þurft að vera komin í hendur þingmanna fyrr og ég sé ekki hvers vegna það var ekki gert. Úr því að allherjarnefndarmenn gátu fengið hana til umfjöllunar á mánudag --- þeir hafa sjálfsagt verið búnir að fá hana í hendur fyrir þann tíma --- þá hefði alveg eins verið hægt að koma henni til annarra þingmanna svo að þeir hefðu getað haft hana undir höndum áður en umræðan færi fram.