Ögmundur Jónasson (andsvar):
Herra forseti. Ég er hjartanlega sammála hv. þm. Ég tel að þetta eigi að ganga yfir öll fyrirtæki og komi pólitískri stjórnun þeirra ekki við á nokkurn einasta hátt. Sama á að sjálfsögðu líka að ganga yfir Orkuveitu Reykjavíkur, fyrst hún var nefnd.
Ég vek athygli á því að í skýrslu umboðsmanns Alþingis er sérstaklega vikið að orkufyrirtækjum í eigu sveitarfélaga. Ég tek þannig hjartanlega undir þetta. Mér finnst stofnanir og fyrirtæki í eigu almennings eigi að vera eigendum sínum opin að öllu leyti.