[prenta uppsett í dálka] 25. fundur, 128. lþ.
Flm. (Karl V. Matthíasson) (andsvar):
Herra forseti. Ég tek undir orð hv. þm. og þakka aftur innlegg hans í þessa umræðu og tek einnig undir það sem hann hefur sagt í sambandi við aðrar fisktegundir. Við erum með ýsu, steinbít og hlýra. Hafrannsóknastofnun hefur átt góðan þátt í því að koma af stað og lagt grunninn að góðu eldi í sambandi við sæeyrun og sandhverfu. Því skiptir mjög miklu máli það sem opinberir aðilar og stofnanir eru að gera í málinu. Það er í raun og veru grundvallarmál og brautryðjendastarf. Ég er því mjög glaður yfir þeim undirtektum sem þetta fær.
