Fyrirspyrjandi (Drífa Hjartardóttir):
Herra forseti. Ég þakka hæstv. menntmrh. fyrir svörin. Það er mjög ánægjulegt að fá að fylgjast með þróuninni í landinu og vera þátttakandi í henni. Hér hafa verið tekin upp ný vinnubrögð sem börn og unglingar eru að læra, að taka þátt í tæknibyltingu sem mun nýtast þeim til framtíðar. Ég vil bara óska þeim sem taka þátt í þessu verkefni alls góðs. Þetta er gríðarlega mikilvægt, ekki aðeins fyrir landsbyggðina heldur fyrir landið allt.