[prenta uppsett í dálka] 34. fundur, 128. lþ.
Pétur H. Blöndal:
Herra forseti. Hv. fyrirspyrjandi, Svanfríður Jónasdóttir, vekur hér máls á mjög alvarlegu vandamáli. Við erum með fullt af sérfræðingum alla daga í því að finna réttlátt skatta- og bótakerfi. Þeir gera kerfin sífellt flóknari og flóknari til þess að mæta öllum þörfum, en um leið verða þau ófélagsleg vegna þess að það fólk sem kerfið á að vernda kann ekki á það, kann ekki á skattkerfið, veit ekki hvar það á bætur, telur ekki fram, lendir í álögum og kostnaði og þar fram eftir götunum. Ég vil að við bætum úr ólæsinu en einföldum jafnframt skatt- og bótakerfið og að skatturinn hjálpi fólki í staðinn fyrir að refsa því.
