[prenta uppsett í dálka] 37. fundur, 128. lþ.
Einar Oddur Kristjánsson (andsvar):
Herra forseti. Bæði í fyrra og hittiðfyrra gaf Alþjóðabankinn, sem annast verðlaunaúthlutun og stigagjafir í heilbrigðismálum, Frakklandi 1. einkunn fyrir að hafa náð bestum árangri og bestum tökum á fjármunum til heilbrigðismála. Þeir hafa gengið hvað lengst fram í einkavæðingu á heilbrigðissviði undir forustu þess ágæta krata sem þar hafði völd, Jospins. Jospin, þessi vinstri krati, stóð fyrir gríðarlegri einkavæðingu á heilbrigðiskerfi Frakklands og Frakkar hafa verið margrómaðir fyrir hinn gríðarlega árgangur sem Frakkland hefur náð í þeim efnum, svo ég minni hv. þm. á þau verðlaun sem kratar hafa fengið, einmitt fyrir einkavæðinguna í Evrópu.
