[prenta uppsett í dálka] 39. fundur, 128. lþ.
Jón Bjarnason:
Virðulegi forseti. Hér er verið að greiða atkvæði um auknar fjárheimildir til margra góðra verka eins og t.d. til Landspítala -- háskólasjúkrahúss og sjúkrahúsa óskipt og annarra á sviði heilbrigðismála. Þetta er allt mjög gott svo langt sem það nær.
Ég vil vekja athygli á því að enn hafa allmörg sjúkrahús, einkum á landsbyggðinni, ekki fengið viðhlítandi úrlausn á fjárhagsvanda sínum og rekstrarvanda. Ég legg áherslu á að það verði skoðað á milli 2. og 3. umr. Að sjálfsögðu styðjum við þingmenn Vinstri hreyfingarinnar -- græns framboðs það sem hér er verið að leggja til en viljum að hinir liðirnir, sjúkrahúsin úti um land séu einnig skoðuð.
