Jón Bjarnason:
Virðulegi forseti. Ég vek athygli á því að hér er verið að loka fjárlögum ársins 2002. Að vísu eiga eftir að koma lokafjárlög sem verða eins konar uppgjörsfjárlög. Ég vek athygli á því að inn á tekjuhlið þessa frv. eru færðar tekjur af óseldum eignum. Það eru færðar inn tekjur á þetta ár, andvirði af sölu Búnaðarbankans og Landsbankans sem liggur alveg ljóst fyrir að mun ekki koma inn fyrr en á næsta ári ef samningar verða endanlega gerðir.
Ég tel óeðlilegt, herra forseti, að færa til tekna á þessu ári tekjur af óseldum eignum til þess að bæta útkomu á niðurstöðutölunni.