[prenta uppsett í dálka] 48. fundur, 128. lþ.
Jóhanna Sigurðardóttir:
Herra forseti. Þessi tillaga felur það í sér að gert verði sérstakt átak í uppbyggingu leiguíbúða en eins og allir þekkja ríkir neyðarástand nú á leigumarkaðnum, sérstaklega á höfuðborgarsvæðinu en þar eru yfir 2.000 manns á biðlista. Þessi tillaga felur það í sér að komið verði á fót 600 leiguíbúðum á ári næstu fjögur árin, þ.e. 2.400 íbúðum, með 1% vöxtum en það er grundvallarmunur á lánskjörum frá því sem nú er. Ríkisstjórnin býður félagasamtökum, námsmönnum, Öryrkjabandalaginu og sveitarfélögum upp á vaxtakjör sem eru 3,5--4,5% sem eru óviðráðanleg, bæði fyrir félagasamtök og sveitarfélög, og því er lítið byggt af leiguíbúðum. Þessi tillaga mun lækka leigu á meðalleiguíbúð, þriggja herbergja íbúð, um 10--15 þús. kr. á mánuði.
