[prenta uppsett í dálka] 52. fundur, 128. lþ.
Forsætisráðherra (Davíð Oddsson):
Herra forseti. Ég tel það alveg ótvírætt að þar sem eignarhlutur ríkisins jókst í fyrirtækinu vegna afhendingar á landréttindum þarna hafi gjald komið fyrir. Það liggur fyrir í mínum huga og eyða þarf óvissu þannig að ríkið standi við það að láta sitt á móti því gjaldi sem það hefur þegar fengið með eignarhlut í þessu fyrirtæki.
Varðandi það sem hv. þm. Ágúst Einarsson nefndi, um það sem snýr að Landsvirkjun og óróleika hjá borgaryfirvöldum í Reykjavík, veit ég ekki annað en að það sé góður meiri hluti fyrir réttri niðurstöðu þar þó að sá meiri hluti sé ekki hefðbundinn.
