Kristján L. Möller (andsvar):
Herra forseti. Það er rétt sem hv. þm. segir, rekstrarárið er að verða liðið. Það er 12. desember í dag og þess vegna lítið eftir af rekstrarárinu.
Herra forseti. Lán frá Byggðasjóði hafa ekki verið mörg á umliðnum mánuðum og ég hygg að sjóðir Byggðastofnunar hafi verið tómir í ansi marga mánuði, ekki bara nú undir lok ársins.
Í öðru lagi vil ég taka undir það sem hv. þm. segir um að það þurfi þolinmótt fé í ferðaþjónustu. Þá vildi ég spyrja hv. þingmann hvort hann eigi við --- og sé sammála því --- að þetta þolinmóða fé þurfi annaðhvort að vera þannig að það geri ekki eins miklar kröfur til veðhæfni eigna vegna lána eða hvort það eigi að vera með lægri vöxtum?