[prenta uppsett í dálka] 54. fundur, 130. lþ.
Viðskiptaráðherra (Valgerður Sverrisdóttir):
Hæstv. forseti. Mér finnst broslegt að heyra hv. þm., formann Alþýðuflokksins, tala um helmingaskiptareglu. Hver hefur gengið lengra í sambandi við helmingaskiptingu en einmitt Alþýðuflokkurinn og Sjálfstfl. þegar þeir gátu ekki komið sér saman um formann í nefnd og það var svokölluð tvíhöfða nefnd sem þá var að störfum. Er hægt að ganga lengra í því að viðhafa þessa svokölluðu helmingaskiptareglu?
Ég er sannfærð um að ef hv. þm. hefði haft þá aðstöðu að sitja í ríkisstjórn núna hefði hann viljað hafa samráð við samstarfsflokkinn um hverjir skipuðu slíka nefnd og það er ekkert launungarmál að það var gert í þessu tilfelli.
Ég endurtek það að nefndin er vel skipuð körlum og konum og ég vænti mikils af því starfi sem fram undan er.
