Pétur H. Blöndal (andsvar):
Herra forseti. Þjónustu sem nýbúið er að auka er verið að skerða. Þjónustu, sem var aukin á síðasta ári, er verið að skerða. Í heild sinni er verið að segja upp 50 manns en á síðasta ári bættust við 113 stöðugildi hjá þessu fyrirtæki.
Ég vil nefna í þessu sambandi að það er verið að segja upp verslunarfólki í Reykjavík, því miður. Það komu fréttir um að verið er að segja upp 20 manns hjá verktakafyrirtæki á Suðurnesjum. Það er sennilega miklu stærri hluti af starfsmönnum þess fyrirtækis, og það kveinar enginn undan því.