Samgönguráðherra (Sturla Böðvarsson) (andsvar):
Virðulegi forseti. Ég á eiginlega ekkert annað svar við þessari athugasemd en það að þessa ræðu verður eiginlega að flytja á þingi Alþjóðasiglingamálastofnunarinnar. Ef þær reglur sem við erum að innleiða hér uppfylla ekki óskir hv. þm. Jóhanns Ársælssonar verður að breyta samþykkt IMO. Það er þá verkefni okkar á næstunni, ef Alþingi kemst að þeirri niðurstöðu að kröfurnar séu ekki nægjanlegar, að taka það mál upp á þeim vettvangi.