[prenta uppsett í dálka] 66. fundur, 130. lþ.
Guðjón A. Kristjánsson:
Virðulegi forseti. Ég þakka þær upplýsingar sem hæstv. ráðherra gaf og tek undir það sem fram kom í lok máls hennar, að efla þurfi grunnrannsóknir við Ísland. Það er vissulega ekki vanþörf á miðað við þær upplýsingar sem liggja fyrir.
Hitt er svo annað mál að hér erum við að ræða um Arnarfjörð. Þetta er tiltölulega lokaður fjörður. Hann er með haft yst í firðinum og kunna að vera þar aðrar aðstæður en í öðrum fjörðum hérlendis. En ástæða hefði verið til að hraða þessum rannsóknum með tilliti til þess að nytjar í firðinum hafa skipt byggðarlagið við fjörðinn, Bíldudal, verulegu máli. Ekki hefur veitt af að efla þar atvinnu. Það hefði þurft að hraða þessum rannsóknum og vinna þær fyrr.
