[prenta uppsett í dálka] 68. fundur, 130. lþ.
Magnús Þór Hafsteinsson (andsvar):
Virðulegi forseti. Ég vil hér með skora á hæstv. utanrrh. og ríkisstjórnina að hún krefjist þess strax að fá að vita hjá norskum stjórnvöldum hvaða skip var um að ræða. Ég skora líka á íslensk stjórnvöld að sjá til þess að umræddur þáttur verði sýndur í sjónvarpinu hér á landi því að ekkert er jafnáhrifaríkt til að koma í veg fyrir sóun af þessu tagi og að það sé gert opinbert fyrir öllum landslýð og talað um þessi vandamál af fullri einurð og hreinskilni. Það er fyrsta skrefið í átt til þess að gerðar séu einhverjar umbætur sem virka. Það höfum við séð. Eftir að hinar frægu brottkastsmyndir sem ég tók þátt í að útvega á sínum tíma voru sýndar í sjónvarpinu samþykkti hið háa Alþingis reglur sem gerðu það að verkum að sjómönnum varð kleift að koma með aukaafla að landi.
(Forseti (GÁS): Forseti vill vekja athygli þingmannsins á því að hann er í andsvari við hv. 5. þm. Norðaust. en ekki hæstv. ráðherra, ef það hefur farið á milli mála.)
