Ögmundur Jónasson:
Hæstv. forseti. Það er brýnt að ræða löggæslumálin, enda hefur þingflokkur Vinstri hreyfingarinnar -- græns framboðs óskað eftir utandagskrárumræðu um það efni eins og komið hefur fram. Í dag er hins vegar neyðarástand í heimahjúkrun á höfuðborgarsvæðinu og ég skil ekki hvers vegna menn eru að tefja fyrir að það mál komist á dagskrá. Hér eru fullir áheyrendapallar sem bíða eftir umræðunni um mál málanna í dag sem er neyðarástand í heimahjúkrun, og ég legg til að við tökum þegar til við að ræða það mál.