[prenta uppsett í dálka] 76. fundur, 130. lþ.
Jón Kr. Óskarsson:
Hæstv. forseti. Mig langar að minnast á eitt atriði sem ekki hefur verið minnst á hér. Það er öryggisatriði útvarpsins. Ég var loftskeytamaður í yfir 40 ár og í gosinu 1973 var ég loftskeytamaður í Vestmannaeyjum. Þá skildi ég hvers útvarpið var megnugt. Ég held að við megum aldrei vanmeta það sjónarmið hvað Ríkisútvarpið er mikill öryggisventill fyrir íslenska þjóð.
