[prenta uppsett í dálka] 79. fundur, 130. lþ.
Mörður Árnason (andsvar):
Ég vil þakka hv. þm. Jónínu Bjartmarz fyrir þessa yfirlýsingu sem er mikilvæg. Þegar maður leggur hana saman við þau orð hennar áðan, að eina ótæka afstaðan sé að standa í stað, þá gæti falist í henni ákveðin gagnrýni, bein eða óbein, á samstarfsflokk hennar í ríkisstjórn. Eins og komið hefur fram í umræðunum í dag er hann, af þeim fjórum flokkum sem teljast geta haft nokkra reynslu og hefð í þessu efni, sá eini sem hefur einmitt staðið í stað.
