[prenta uppsett í dálka] 81. fundur, 130. lþ.
Atli Gíslason:
Frú forseti. Í 2. tölublaði Verndarblaðsins 2003 er þáv. tímakaup fyrir vinnu sundurliðað. Þar kemur fram að vinna á járnsmíðaverkstæði, trésmíðaverkstæði, við bílaþrif og í steypuskála er greidd með 345 kr. á tímann en fyrir þrif á deildum, við hreingerningar í íþróttahúsi, þrif heimsóknaraðstöðu og á öðrum stöðum eru 280 kr. á tímann.
Ég spyr: Er þetta hefðbundið vanmat á kvennastörfum eða hvernig stendur á þessum mismun á tímakaupinu?
