Heilbrigðisráðherra (Jón Kristjánsson):
Herra forseti. Svarið við báðum spurningunum er já. Þetta er með vitund og vilja ráðherra vegna þess að það hagar þannig til á lyfjamarkaðnum að Norðurlöndin eru dýrasti lyfjamarkaður í heimi. Það munar 15% á verði á Íslandi og á Norðurlöndunum og lyfjaverðsnefnd hefur unnið að því að minnka þennan mun, m.a. vegna þess að við þurfum að standa við fjárlög varðandi sparnað í lyfjakostnaði. Ég hef viljað ná þeim sparnaði frekar með lækkun á álagningu en að hækka sjúklingahlutann. Þannig stendur málið.