[prenta uppsett í dálka] 84. fundur, 130. lþ.
Sigurjón Þórðarson (andsvar):
Frú forseti. Það er fullyrt í skýrslunni að svæðisbundið samstarf muni fá aukið vægi í ESB eftir stækkun þess. Þess vegna vil ég spyrja ráðherrann hvort sú sé raunin. Er þetta raunin? Síðan er lagt út frá því. Fróðlegt væri að fá nánari útlistun á því hvort þetta sé svo í raun og veru eða hvað.
Síðan er komið inn á rannsóknir sem er mjög nauðsynlegt að fara út í á ýmsum sviðum og skilgreind eru fjölmörg samstarfssvið í vestnorrænu samstarfi. Í fréttum hefur komið fram að orðið hefur mikil hlýnun, mun meiri en áður var talið. Ég tel að þarna þurfi að leggja í auknar rannsóknir og spyr hvort búið sé að ákveða að þær rannsóknir fari fram.
