[prenta uppsett í dálka] 85. fundur, 130. lþ.
Mörður Árnason:
Forseti. Mér þykir skipta máli fyrir þingmenn hvort um er að ræða ráðstefnur af sérstöku tilefni eins og þessi virðist vera eða ráðstefnur og þing sem bundin eru í lög, eins og t.d. umhverfisþingið sem haldið var í haust á þingtíma og eðlilegt er að þingmenn sæki.
Á hinn bóginn kann að vekja athygli með þessa ráðstefnu og aðrar þær sem framkvæmdarvaldið stendur fyrir, fyrir hvern þær eru þegar þær eru skipulagðar á miðjum vinnutíma ekki einungis þingmanna heldur alls almennings á Íslandi. Kannski er framkvæmdarvaldið hætt að skipuleggja aðrar ráðstefnur en þær sem þeir sækja sem fá laun fyrir.
