Forseti (Halldór Blöndal):
Borist hefur svohljóðandi bréf frá 4. þm. Suðurk., Lúðvíki Bergvinssyni, dags. 18. mars:
,,Þar sem ég fer í fæðingarorlof frá og með næsta mánudegi, sbr. 12. gr. laga um þingfararkaup og þingfararkostnað, nr. 88/1995, með síðari breytingum, og sæki því ekki þingfundi næstu tvo mánuði óska ég eftir því, sbr. 2. mgr. 53. gr. þingskapa, að 1. varamaður á lista Samfylkingarinnar í Suðurk., Brynja Magnúsdóttir, sjúkraliði í Keflavík, taki sæti mitt á Alþingi á meðan.``
Brynja Magnúsdóttir hefur áður tekið sæti á Alþingi og er hún boðin velkomin til starfa á ný.