Forseti (Guðmundur Árni Stefánsson):
Forseti vill geta þess að þegar að loknum atkvæðagreiðslum um 13 fyrstu dagskrármálin hefst umræða utan dagskrár um horfur í atvinnu- og byggðamálum á Djúpavogi. Málshefjandi er hv. þm. Steingrímur J. Sigfússon og hæstv. iðnrh. Valgerður Sverrisdóttir verður til andsvara. Umræðan fer fram skv. 1. mgr. 50. gr. þingskapa og stendur í hálfa klukkustund.