Mörður Árnason (um atkvæðagreiðslu):
Forseti. Athugasemd mín varðar vísun til nefndar. Flm. þessa máls óskaði eftir að því yrði vísað til allshn. og styðst þar væntanlega við starfsskiptingu í Stjórnarráðinu sem vissulega á að taka hliðsjón af samkvæmt þingsköpum. Hins vegar ráðast verkefni fastanefnda á Alþingi ekki af skiptingu framkvæmdarvaldsins, heldur af því sem þingið ákveður sjálft. Hér er um að ræða þjóðgarðinn á Þingvöllum, stækkun hans sem einkum varðar náttúru og umhverfi. Nú hefði verið eðlilegt að þetta mál færi til umfjöllunar í umhvn. Ég ætla ekki að standa á móti því að flm. sé hlýtt í þessu efni en legg áherslu á að þeir þættir málsins sem varða náttúru og umhverfi sem eru flestir þættirnir fari til sérstakrar umsagnar í umhvn. þegar þar að kemur.