Magnús Þór Hafsteinsson (andsvar):
Hæstv. forseti. Ber að skilja orð hæstv. utanrrh. svo að slái í brýnu á milli Íslendinga og Norðmanna, t.d. á sumri komanda ef ekki nást samningar við þá og við munum jafnvel neyðast til þess að reyna að leita leiða til að stunda síldveiðar á Svalbarðasvæðinu, að málinu verði þá hugsanlega skotið til dómstóla? Er meiri háttar utanríkisdeila jafnvel í uppsiglingu ef síldveiðisamningar nást ekki í vor?