Menntamálaráðherra (Þorgerður K. Gunnarsdóttir) (andsvar):
Virðulegi forseti. Ég nefndi það m.a. áðan að í Danmörku er fyrirtækjum á markaði óheimilt að eiga líka í fjölmiðlafyrirtækjum. (Gripið fram í.)
Ég ætla mér ekki að setjast í þann stól að meta hvort fjölmiðlar gæti ekki hlutleysis og komi réttum upplýsingum á framfæri og þó einhverjir aðrir hafi gert það ætla ég ekki að gera það. En þegar við erum búin að segja já við markaðsráðandi stöðu á fyrirtækjamarkaði hljóta allir skynsamir menn að sjá að mikilvægi fjölmiðla verður aldrei meira. Fjölmiðlar verða að veita fyrirtækjunum sem eru með markaðsráðandi stöðu á fyrirtækjamarkaðnum aðhald, ekki bara stjórnmálamönnunum heldur líka fyrirtækjunum í þágu almennings og þjóðarinnar.